RCBC Cabuyao Massacre

May 18, 2008

TV Patrol Linggo

Bernadette Sembrano:  Pumanaw na kanina sa St. James Hospital sa Sta. Rosa, Laguna ang isang opisyal ng RCBC-Cabuyao na kasama sa mga binaril ng mga hindi pa nakikilalang mga magnanakaw noong Biyernes.  Nagpapatrol, Gretchen Malalad…

Gretchen Malalad:  Matapos ang halos dalawang araw na pakikipaglaban sa kanyang buhay, pumanaw na kaninang umaga sa St. James Hospital sa Sta. Rosa, Laguna si Isagani Pastor, ang Client Relationship Manager ng RCBC.  Hindi na umano nakayanan ni Pastor ang malubha nyang tama sa ulo.  Si Pastor ang ikasampu ng biktima ng pinakamarahas na bank robbery sa Pilipinas…

Sa kabila nito, hindi pa rin nawawalan ng pag-asa ang RCBC na matutukoy at mapapanagot pa rin sa batas ang mga suspect sa krimen.  Sa ngayon, 2 ang lead na tinututukan ng pulis.  Una, ang testimonya ng isang babae hinggil sa isang lalaking nakajacket na itim na umakbay at naghatak papasok sa bangko sa isang depositor at pinaslang din na si Ferdinand Antonio. Ikalawa ay ang logbook ng napatay na guardya na nagrehistro ng pagpasok sa bangko ng limang nagpakilalang pulis nang dakong alas-otso ng umaga.  Samantala, inihayag pa ni Ermita na aabot sa 12-15 milyong piso ang natangay sa bangko.

Gretchen Malalad, Patrol ng Pilipino!

Video courtesy of DAVE

Bandila 5.14.2008

Ms. Korina: Mas dumami ang mga naaaksidente sa motorsiko mula Enero ngayong taon kumpara noong nakaraang taon ayon sa MMDA.  Kung bakit, alamin sa ulat ni Gretchen Malalad. 

Gretchen Malalad:  Sa taas ng presyo ng gasolina at sa araw-araw na trapiko sa lansangan, mas pinipili na lang ng ilan ang pagmomotorsiklo…

Kaya naman nitong mga nakalipas na apat na taon, dumadami na ang bilang ng mga nagmomotorsiklo. Pero kasabay nito ang pagdami rin ng mga aksidente sa motorsiklo. Base sa rekord ng MMDA, noong 2002, 285 lang ang mga motorcyle-related accident. Naging 545 ito noong 2003 at patuloy na tumaas hanggang umabot sa mahigit 4,000 ng aksidente na naitala noong nakaraang taon. Pero mas nakakaalarma ang bilang sa unang limang buwan palang ngayong taon.  Mahigit na agad 2,000 ang naaaksidente sa motorsiklo, 51 ang namatay sa mga aksidenteng ito.  Lumalabas na mahigit 400 na aksidente ang naitatala kada buwan at sampu rin ang namamatay sa aksidente kada buwan.

Gretchen: Ayon sa MMDA, lahat na daw ng paraan ay kanilang ginagawa para maging ligtas ang lansangan para sa ating mga kababayan na nagmomotor.  Pero karamihan raw sa kanila ay walang disiplina na numerong unong dahilan ng mga aksidente.

    

Marami raw ang hindi sumusunod sa mga batas trapiko.  Una na rito ang hindi pagsusuot ng helmet. Kahit ang pulis na ito at kanyang angkas ay walang ring helmet habang bumabaybay sa Novaliches.  Pero hindi ang mga sanay ng magmotorsiklo, na parang hindi naman naaalarma sa pagtaas ng mga aksidente.

Para sa Bandila, Gretchen Malalad.