Gold sinikwat ni Malalad sa Korean Open
Thursday, November 16th, 2006Palaban, Maaasahan PM Pang-Masa
Nobyembre 15, 2006 Pahina 11.
Si national karateka Gretchen Malalad pa rin ang reyna sa women’s +65-kilogram kumite competition.
Ito ang pinatunayan ng 26-anyos na si Malalad matapos kunin ang gintong medalya sa naturang dibisyon sa 2006 Korean Open Karate Championships sa Busan, South Korea.
Tinalo ni Malalad, tatlong sunod nang nagdodomina sa nasabing kategorya sa Southeast Asian Games, ang isang Korean national sa finals, 6-0, makaraang igupo ang isang Vietnamese sa semis, 6-2.
“Her victory showed that she’s very much ready for the Asian Games and I’m confident that Gretchen will deliver for us just like what she did in 2002,” wika ni Philippine Karatedo Federation (PKF) president Ed Ponce.
Sa 2002 Asian Games sa Busan, Korea, dalawang bronze medal ang iniuwi ng mga national karatekas, isa rito ay mula kay Malalad.
Nagawa ni Malalad na manalo sa Korean Open sa kabila ng pagiging abala sa Pinoy Dream Academy ng ABS-CBN Channel 2 bilang fitness instructor.
Bukod kay Malalad, ang iba pang lalahok sa 2006 Doha Asiad sa Disyembre 1-15 ay sina Marna Pabillore, Bernardino Chu, Nelson Pacalso, Bong Toribio, Junel Perenia, Mae Soriano at Noel Espinosa.
Samantala, sasabak naman ang tropa sa dalawang torneo sa Europe sa Nobyembre 25-26 sa Italy at sa Disyembre 1-3 sa San Marino bilang paghahanda sa 2006 Doha Asiad.
Russel Cadayona
Pinay karateka sumikwat ng gold sa Korea Open
Page 19 - November 15, 2006
Pinatunayan ni Gretchen Malalad na handang-handa na siyang sumabak sa 15th Asian games sa Doha, Qatar sa susunod na buwan. Ito’y matapos siyang sumungkit ng gold medal sa ginanap na 2nd Korea Open Karate Championship sa Busan, South Korea noong nakaraang linggo.
Ang three-time Southeast Asian Games gold medallist ay nagreyna sa +65kg individual kumite event nang gapiin ang Koreanang katunggali, 6-0.
Armado ng matutulis na sipa, ang 26-anyos na si Malalad ay nagtuluy-tuloy sa gold medal round, matapos talunin sa semis ang kasagupang Vietnamese, 6-2.
Taken from Abante Website at http://www.abante.com.ph/issue/nov1506/main.htm
