Gretchen handa na sa Asian Games
Wednesday, November 15th, 2006November 15, 2006 7:28 PM Wednesday
KAHIT abala sa ibang bagay, nagparamdam si three-time Southeast Asian Games gold medalist Gretchen Malalad ng kanyang kahandaan sa Doha Asian Games.
Sa kanyang unang international stint ngayong taon, nagsubi ang magandag karateka ng gintong medalya sa 2nd Korea Open Karate Championship na ginanap nitong weekend sa Busan, South Korea.
Namayani si Malalad sa +65 kg. Individual kumite event makaraang gapiin ang kanyang katunggali mula sa Korea, 6-0, sa finals. Nakarating ang 26-ayos na si Malalad sa championship round makaraang pataubin ang kanyang Vietnamese opponent sa semifinals, 6-2.
Si Malalad ang kaisaisang entry ng Pilipinas sa naturang 6-nation competition; sina-mahan siya ni national coach David Lay.
“Her victory showed that she’s very much ready for the Asian Games and I’m confident that Malalad will deliver for us just what she did in 2002,” wika ni national karate president Ed Ponce.
Umaasa si Malalad na mahihigitan niya ang bronze medal finish sa 2002 Busan Asiad na kanyang nagawa sa kabila ng shoulder injury.
Bukod kay Malalad, ang iba pang national karatekas na naghahanda sa Doha ay sina SEA Games gold winners Marna Pabillore at Nelson Pacalso, Bern Chu, Bong Toribio, Mae Soriano, Noel Espinosa at Junel Perenia.
Karamihan sa RP karatekas ay nagsasanay sa Italy, sa ilalim ni foreign coach Ginoseppe Romano, at ang kopoan ay tutungo sa Doha sa Dec. 8, ang huling batch ng atleta na pupunta ng Asian Games.
Theodore P. Jurado
Taken from Journal Online at
http://www.taliba.com.ph/index.php?issue=2006-11-15&sec=7&aid=1927
