Mga original teachers sina Moy Ortiz for voice, Maribeth Bichara for dance and Gretchen Malalad for fitness.

Von Arroyo (who’s home from Japan stints) is diction teacher. Si Sweet Plantado naman for expression at Malou de Guzman for performance.

Lalong gumanda ang set-up ng Pinoy Dream Academy dahil hindi lang ito naka-focus sa scholars. Naka-focus din ang mga camera sa instructions at instructors.

Aware ang mga titser na naka-focus din ang mga camera sa kanila. Kaya showbiz din ang dating nila.

Sa mga nag-aakala na ang Academy ng ABS-CBN is a “master’s course” for these scholars, look closely now. Panoorin ang style of teaching ng ibang instructors.

Parang isang prep school ito na nagtuturo ng mga bata kung paano magsuot ng sapatos o paano umiyak kung may sinasabi o kinakanta kang malungkot.

At mag-animo’y luka-loka ka kung matindi ang kinakanta mo.

Paano kang kumanta kung ganoon? Anyway, masaya. Prep school style for pre-schoolers. Di ba, mga beginners sila sa isip nina Titser Von at Sweet?

May stand at the back, behind the class si Titser Von. At pinilit niyang magsapatos ang scholar na naglaba ng sapatos (kaya basa pa!).

At ang mga sinasabi ni Titser Gretchen sa scholars who left their family to please them (para magkaroon din sila ng trabaho sa Academy)!

‘Yan ay sinasabi lang sa mga musmos na hindi sumusunod sa teachers, not to “global, NCR and regional scholars” taking up ABS-CBN’s “master course for free.”

Bukas na ang first Expulsion Night sa Academy. Sino kaya kina Rosita (Bareng), Oona (Barretto), Gemma (Fritzgerald) at Kristoff (Abrenica) ang mae-expel?

Kung nire-rate ng mga titser ang kanilang students, nire-rate din kaya ng scholars ang kanilang instructors?

May expulsion din kaya ng instructors?

Kung mga baguhan o freshmen ang students o scholars sa PDA, freshmen din o baguhan ang instructors in this kind of talent instruction.

Masasabi natin that they learn as they teach. Kaya kung magaling na sila sa pagtuturo, tapos na ang whole PDA course. Funny, ‘di ba?

Isa pang suggestion, bakit hindi na-consider ng PDA ang pagkuha ng “coaches” sa UP College of Music?

Kahit sina Sharon Cuneta, Martin Nieverra at Masculados, kinukuha ang expertise nila. May music outreach program ang kolehiyo.